Abaı oblysyndaǵy qoqys polıgondarynyń tek 2,9% sanıtarlyq talapqa saı - mınıstr

SEMEI. QazAqparat – Abaı oblysyndaǵy 170 qoqys polıgonynyń tek beseýi sanıtarlyq talapqa saı keledi. Bul - óte tómen kórsetkish. Atalǵan óńir turǵyndarymen kezdesken Ekologııa, geologııa jáne tabıǵı resýrstar mınıstri Serikqalı Brekeshev osylaı málimdedi, dep habarlaıdy QazAqparat tilshisi.

«Ózekti máseleniń biri - ruqsat etilmegen polıgondar sanynyń ósýi. Kosmomonıtorıng nátıjesinde 386 polıgon anyqtaldy. Onyń 51-i, ıaǵnı 13 paıyzy joıyldy. Bul óte tómen kórsetkish. Stıhııalyq polıgondardyń paıda bolý sebepteriniń biri – qatty turmystyq qaldyqtardy tógetin zańdastyrylǵan polıgondarynyń bolmaýy. Qoqystardy ýaqytsha ornalastyrýdyń 170 obektisiniń tek beseýi nemese 2,9 paıyzy ǵana ekologııalyq jáne sanıtarlyq talaptarǵa sáıkes keledi. Osyny eskere otyryp, ákimdikke ruqsat etilmegen polıgondardy joıý jónindegi jumysty kúsheıtý, jańa polıgondardy salý, zańdastyrý máselelerin qaraý, sondaı-aq kommýnaldyq qaldyqtardy basqarý jónindegi baǵdarlamany ázirleý jáne bekitý usynylady», - dep mindet júktedi Serikqalı Brekeshev.

Mınıstr keltirgen derek boıynsha bıyl oblysqa qarasty Semeı, Aıagóz qalalarynda aýanyń lastaný deńgeıi joǵarylaǵan. Bólingen zııandy qaldyqtardyń basym bóligi jylý energetıkasy kásiporyndaryna tıesili.

Foto: gov.kz