Abaı oblysyndaǵy kásiporyn óńirde áleýmettik jobalardy júzege asyrýǵa 2 mlrd teńge bólmek

SEMEI. QazAqparat - Abaı oblysynyń ákimi Nurlan Uranhaev pen «Baqyrshyq taý-ken óndirý kásiporny» JShS basqarma tóraǵasy Kenbeıil Isaev áleýmettik jobalardy iske asyrý máseleleri boıynsha ózara is-qımyl memorandýmyna qol qoıdy.

Bul týraly QazAqparat Abaı oblysy ákimdiginiń baspasóz qyzmetine silteme jasap habarlaıdy. ⠀

Memorandým aıasynda kóshelerdi abattandyrýǵa (kógaldandyrý, elektr jaryqtandyrý jelileri jáne t. b.) 2 100 000 000 teńge bólý josparlanyp otyr.

Naqtyraq aıtqanda:

1 toqsan (Ýálıhanov kóshesinen Qabanbaı batyr kóshesine deıin);

4 toqsan (Dýlatov kóshesinen Ýálıhanov kóshesine deıin);

5 toqsan (Qabanbaı kóshesinen bastap batyr Jamaqaev kóshesine deıin).⠀

Bul memorandým óńirdiń áleýmettik-ekonomıkalyq damýy sheńberinde iske asyrylatyn bolady.⠀

Aýmaqty abattandyrý - qalanyń ınfraqurylymdyq damýy turǵysynan mańyzdy jáne ózekti máselesi.