Abaı oblysyndaǵy etnomádenı birlestikter kómekke jumyldy
«Abaı oblysyndaǵy aýyr órt apaty saldarynan birqatar eldi mekender evakýatsııalanyp, turǵyndardyń úıleri órtenip, aýyr zardap shekkender de bar.
Órt sóndirýshilerdiń negizgi toby ornalasqan shtabqa alǵashqylardyń biri bolyp oblystyq Dostyq Úıi – Qoǵamdyq kelisim ortalyǵynyń etnomádenı ortalyqtarymen birlesip «Assambleıa jastary» RQB eriktileri keldi», - dep jazdy Marat Ázilhanov.
Borodýlıha aýdanyna Abaı oblysynyń Dostyq úıimen birlesip órtti joıýǵa tartylǵan qyzmetterge sý jáne basqa da kómek jetkizilgen. Sondaı-aq, qarajat jınaýǵa oblystyq Dostyq úıiniń qyzmetkerleri, etnomádenı birlestikterdiń belsendilerimen qatar janashyr jandar da qatysty.
«Búgingi kúni árqaısymyz azamattyq boryshymyzdy seziný, halqymyzdyń birligine atsalysý sııaqty qasıetterdi is júzinde kórsetip júrmiz. Assambleıanyń ár múshesi bul jaýapkershilik pen paryzdy tereń sezinedi», - delingen QHA ókiliniń jazbasynda.