Abaı oblysyndaǵy dala órti úsh kúnnen keıin sóndirildi

SEMEI. QazAqparat – Abaı oblysynyń Kókpekti aýdanynda tutanǵan qamys órti tolyǵymen sóndirildi, dep habarlaıdy QazAqparat Tótenshe jaǵdaılar mınıstrligine silteme jasap.

«Abaı oblysynyń jáne jergilikti atqarýshy organdardyń órt sóndirýshileriniń birlesken kúsh-jigerimen órt búgin saǵat 07.15-te sóndirildi», - delingen málimette.

Keshe, saǵat 19:00-de órt oqshaýlanǵany týraly habarlanǵan bolatyn.

Ot 2 shilde kúni saǵat 11.00 shamasynda Kókpekti aýdany Úlgili Malshy aýylynan 50 shaqyrym jerde tutanǵan bolatyn.

Eldi mekenderge qaýip tóngen joq. Qaza bolǵandar men zardap shekkender joq.

Ǵaryshtan jasalǵan túsirilimge sáıkes, tilsiz jaý 910 gektarǵa jýyq jerdý sharpydy.

Órtti sóndirýge Abaı oblysy Tótenshe jaǵdaılar departamenti jáne jergilikti atqarýshy organdardyń kúshteri men quraldary jumyldyryldy.