Abaı oblysyndaǵy alapat orman órtine baılanysty jedel shtab quryldy
Oblys ákimdiginiń málimetine súıensek, qazirgi ýaqytta Borodýlıha aýylyndaǵy Ostrovskıı orta mektebiniń jáne kolledj bazasynda evakýatsııalyq pýnktter uıymdastyrylǵan.
Ýspenskoe, Podnebesnoe jáne Baryshevka aýyldarynyń turǵyndary óz betinshe týystarynyń úılerine ornalasty.
Atalǵan eldi mekenderdi qorǵaýǵa 122 adam jáne 30-dan astam tehnıka tartyldy.
«Órt ornynda barlyǵy 462 adam, 70 tehnıka jáne 4 tikushaq jumyldyryldy. Tikushaqpen ótken táýlikte áýeden jalpy kólemi 30 tonna bolatyn 12 ret sý tógildi», - delingen aqparatta.
TJ mınıstri ıÝrıı Ilınniń ókimine sáıkes kúshter men quraldardy úılestirý úshin órt ornyna TJ vıtse-mınıstri Marat Kúldikov jiberilgen.
Búgin tańǵy saǵat 6.30-dan bastap oblys ákiminiń orynbasarymen MI-2 tikushaǵynda órt aımaǵyn aerovızýaldy barlaý júrgizip jatyr.
«Oblysta orman órtine qarsy kúres boıynsha barlyq sharalar qabyldanýda. Jedel shtab quryldy. Aımaq basshysy Nurlan Uranhaev shtabtyń kóshpeli otyrysyn ótkizdi», - delingen habarlamada.