Abaı oblysynda jyl saıyn ormanǵa barýǵa shekteý engizilmek

SEMEI. QazAqparat – Abaı oblysynda jyl saıyn ormanǵa barýǵa shekteý engizilmek, dep habarlaıdy QazAqparat tilshisi.

Bıyl alapat órt shyqqan Abaı oblysynyń aýmaǵynda endi jyl saıyn ormanǵa barýǵa shekteý engiziledi. Bul týraly «Ashyq» NQA portalynda jarııalanǵan qujat jobasynda jazylǵan.

«Abaı oblysynda jeke tulǵalardyń jyl saıyn órt qaýpi joǵary kezeńderde memlekettik orman qory aýmaǵyna barýyna tyıym salynsyn. Osy qaýlynyń oryndalýyn baqylaý Abaı oblysy ákiminiń jetekshilik etetin orynbasaryna júktelsin. Qaýly onyń alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi», - delingen jobada.

Eske sala keteıik, osy jyldyń 8 maýsymynda «Semeı ormany» rezervatynda órt shyǵyp, 14 adamnyń ómirin jalmaǵan bolatyn.