Abaı oblysynda jyl basynan bergi qurylys jumystarynan 142 zańbuzýshylyq anyqtaldy
Abaı oblysy ákimdiginiń málimetine súıensek, óńir aýmaǵynda qurylys jumystarynyń sapasy qatań baqylaýda. Bıyl azamattardan 241 ótinish kelip túsken. Sonyń aıasynda oblystyq Qurylys, sáýlet jáne qala qurylysy basqarmasy jospardan tys 77 tekserý júrgizdi.
«Tekserisý nátıjesinde qurylys jumystary kezinde tapsyrys berýshiler, merdigerler, sáýlet-tehnıkalyq qadaǵalaý, jobalaý uıymdary arasynan jasalǵan zańbuzýshylyqtar anyqtaldy. Máselen, jobalyq-smetalyq qujattamany ázirleý, saraptaý jáne bekitýdiń belgilengen tártibi buzylyp, keıbir qurylystar tehnıkalyq jáne sáýlettik organdardyń qadaǵalaýynsyz júrgizilgen. Eski qurylys materıaldaryn qoldanǵandar da boldy», - delingen aqparatta.
Tekserýler aıasynda ÁQBtK-niń ártúrli baptary boıynsha 142 ákimshilik hattama toltyrylyp, jalpy somasy 49,2 mln teńge aıyppul salyndy. Sotqa barlyǵy 47 ákimshilik is joldanǵan.