Abaı oblysynda jol boıynan tabylǵan adamdy kim óltirip, qashyp ketkeni belgili boldy
20:24, 23 Tamyz 2023
SEMEI. QazAqparat - Abaı oblysynyń Kókpekti aýdanynda jol-kólik oqıǵasy izin sýytpaı ashyldy, dep habarlaıdy QazAqparat polıtsııaǵa silteme jasap.
5 tamyz saǵat 19:30 shamasynda Zaısan kóliniń jaǵasyndaǵy Tassaı aýyldyq okrýginiń «Beregovoı» ýchaskesinen belgisiz adamnyń máıiti tabyldy.
Polıtseıler 30 jastaǵy júrgizýshini anyqtady.
Ol mas kúıinde «SUBARU LEGACY» markaly avtokólik tizgininde 32 jastaǵy jaıaý júrginshini qaǵyp ketken.
Jol-kólik oqıǵasy saldarynan 32 jastaǵy jaıaý júrginshi oqıǵa ornynda qaza tapqan.
Qazirgi ýaqytta QR QK 345-1-babynyń 3-bóligi boıynsha sotqa deıingi tergeý júrip jatyr.