Abaı oblysynda jertóledegi jasyryn tsehte alkogol óndirilgen

SEMEI. QazAqparat – Abaı oblysynda jertólede anyqtalǵan jasyryn tsehte 1,5 tonna alkogol tabyldy, dep habarlaıdy QazAqparat Rolisia.kz-ke silteme jasap.

Óńirdiń Polıtsııa departamenti Uıymdasqan qylmysqa qarsy kúres basqarmasynyń qyzmetkerleri alkogoldi zańsyz daıyndaıtyn jasyryn tsehtiń qyzmetin toqtatý boıynsha arnaıy operatsııa ótkizdi.

Kontrafaktili alkogoldi 57 jastaǵy Semeı turǵyny jertólede jabdyqtalǵan tsehte daıyndaǵan. Ol spırtti qolmen quıý jelisin jasaqtaǵan.

«Polıtsııa qyzmetkerleri ártúrli kólemdegi 12 kanıstrge quıylǵan 1500 lıtrden astam alkogoldi tárkiledi.
Onyń jalpy quny 2,5 mln teńgeden asady», - delingen habarlamada.
Zańsyz ónim úlgileri fızıka-hımııalyq saraptamaǵa jiberilgen.
«Bul fakti Abaı oblysy boıynsha Ekonomıkalyq tergeý departamentine is júrgizý sheshimin qabyldaý úshin tirkelip, jiberildi», - dedi Abaı oblysy Polıtsııa departamenti Uıymdasqan qylmysqa qarsy kúres basqarmasy bastyǵynyń orynbasary Aset Shahantaev.

Foto: portalkomunalny.pl