Abaı oblysynda jasóspirim qyz nómirsiz mototsıkl aıdap júrgen

ÓSKEMEN. QazAqparat – Abaı oblysynda nómirsiz mototsıkl aıdap júrgen jasóspirim qyzdyń ata-anasyna 120 myń teńge aıyppul salyndy, dep habarlaıdy QazAqparat tilshisi.

Oblystyq Polıtsııa departamenti baspasóz qyzmetiniń málimetine súıensek, Jarma aýdanynyń ýchaskelik ınspektory patrýldeý barysynda memlekettik tirkeý nómirinsiz mototsıkldi toqtatty.

«Tekserý kezinde mototsıkldiń rýlindegi qyzdyń kámelet jasyna tolmaǵany, kólik quralyn basqarýǵa quqyǵynyń joqtyǵy anyqtaldy. Sonymen qatar onyń basynda shlemi de bolmaǵan. Jasóspirim qyz jasaǵan quqyq buzýshylyqtary úshin onyń ata-anasy birden birneshe bap boıynsha jaýapqa tartyldy», - delingen aqparatta.

Atap aıtqanda, QR ÁQBtK 590-babynyń 2-bóligi (kólik quraldaryn paıdalaný qaǵıdalaryn buzǵany úshin), 612-babynyń 2-bóligi (qujattary joq jáne basqarý quqyǵy joq adamnyń kólik quralyn basqarǵany), 593-babynyń 2-bóligi (qaýipsizdik beldikterin nemese motoshlemderdi paıdalaný erejelerin saqtamaǵany úshin).

Salynǵan aıyppuldyń jalpy somasy – 35 AEK (120 750 teńge).