Abaı oblysynda jańa oqý jylynda 4 jańa mektep paıdalanýǵa beriledi

SEMEI. QazAqparat – Abaı oblysynda jańa oqý jylynda 4 jańa mektep paıdalanýǵa beriledi, dep habarlaıdy QazAqparat tilshisi.

Abaı oblysy ákimdiginiń málimetine súıensek, búgingi tańda óńir boıynsha bilim berý nysandarynyń jylý berý maýsymyna daıyndyǵy 97%-dy quraıdy.

«Jańa oqý jylynda 4 jańa mektep paıdalanýǵa beriledi. Mektebi joq 156 eldi mekennen 3137 oqýshy tegin tasymalmen qamtamasyz etiledi. Pedagogterdiń 85% koronavırýsqa qarsy revaktsınatsııadan ótti. Revaktsınatsııalaý protsedýralary 25 tamyzǵa deıin aıaqtalady», - delingen aqparatta.

Oblystaǵy 157 balabaqsha men 202 shaǵyn ortalyq mektep jasyna deıingi 25 305 balany qabyldaýǵa daıyn.