Abaı oblysynda taǵy órt shyqty

SEMEI. QazAqparat – Abaı oblysy Kókpekti aýdanynda kesheden beri dala órtiniń beti qaıtpaı jatyr, dep habarlaıdy QazAqparat tilshisi.

Abaı oblysynda kesheden beri dala órtiniń beti qaıtpaı jatyr

Abaı oblystyq Tótenshe jaǵdaılar departamenti baspasóz qyzmetiniń málimetine súıensek, órt 2 shilde kúni saǵat 11.00 shamasynda Kókpekti aýdany Úlgili Malshy aýylynan 50 shaqyrym jerde shyqqan. Tilsiz jaý ashyq alańda qamysty sharpyp jatyr.

«Oqıǵa ornyna jergilikti atqarýshy organ qyzmetkerleri dereý kelip jetti. Qazirgi ýaqytta boljam boıynsha qyzyl jalynnyń jalpy aýdany 200 gektardy quraıdy. Eldi mekenderge tónip turǵan qaýip joq. Eshkim zardap shekpedi», - delingen aqparatta.

Úlgili Malshy aýyldyq okrýgi ákimdiginiń aqparaty boıynsha órtpen kúreske TJD kúshteri men quraldarynyń tartylýy qajet emes.

Eske salaıyq, 8 maýsym kúni Abaı oblysynyń Semeı ormany rezervatynda iri órt tutandy. Saldarynan 14 ormanshy qaza boldy.