Abaı oblysynda sý tasqyny qaýpi bar ýchaskelerge áýeden barlaý jasaldy
Abaı oblysy ákiminiń orynbasary Dmıtrıı Garıkov jáne óńirlik Tótenshe jaǵdaılar departamentiniń basshysy Manarbek Shapaǵatov Semeı qalasy, Besqaraǵaı jáne Borodýlıha aýdandaryndaǵy sý tasqyny qaýpi bar ýchaskelerge aerovızýaldy barlaý júrgizdi.
Barlaý barysynda qar jamylǵysynyń bıiktigi, Ertis jáne Úbe ózenderindegi gıdrologııalyq jaǵdaı baqylanyp, gıdrotehnıkalyq qurylystardyń jaı-kúıi tekserildi. Barlyq zerttelgen aýmaqta qar tez erip jatyr. Ertis ózeninde Shúlbi sý qoımasynan tómen Besqaraǵaı aýdanynyń shekarasyna deıin muz aǵyny bar. Besqaraǵaı aýdanynan Pavlodar oblysynyń shekarasyna deıin muzdyń qatýy baıqalady. Úbe ózeninde muz jamylǵysy buzylyp jatyr.
«Aerovızýaldy barlaý nátıjesine sáıkes, ózenderde muz keptelisi joq. Gıdrotehnıkalyq qurylystar shtattyq rejımde jumys istep tur. Sý tasqyny jaǵdaıy turaqty baqylaýda», - dedi Abaı oblysy ákiminiń orynbasary Dmıtrıı Garıkov.