Abaı oblysynda sońǵy jeti jylda 20 mektep boı kótergen

SEMEI. QazAqparat – Jańadan qurylǵan Abaı oblysynyń ortalyǵy – Semeı qalasynda memlekettik-jekemenshik áriptestik aıasynda 9,3 mlrd teńgege 11 joba júzege asyrylýda, dep habarlaıdy QazAqparat tilshisi.

Búginnen bastap oblys ortalyǵyna aınalǵan Semeı shaharynda jáne jańa óńirdiń quramyna kirgen qala, aýdandarda sońǵy 7 jylda 20 mektep, 4 balabaqsha, 3 stýdenttik jataqhana salynǵan.

Sondaı-aq osy ýaqyt ishinde 13 sport, 4 mádenı jáne 3 medıtsınalyq nysan boı kóterdi.

«Áleýmettik ınfraqurylym nysandarynyń basym bóligi bıýdjetten tys qarjyǵa salyndy. Semeıde memlekettik-jekemenshik áriptestik aıasynda jeti jylda 16,7 mıllıard teńgeniń 79 jobasy boıynsha kelisim jasalǵan. Onyń ishinde jalpy quny 7,4 mlrd teńgeni quraıtyn 68 joba aıaqtaldy. Biraq 9,3 mlrd teńgege taǵy 11 joba boıynsha jumys áli jalǵasyp jatyr», - dep habarlady ShQO aqparat ortalyǵy.

Eýropalyq qaıta qurý jáne damý bankimen yntymaqtastyq sheńberinde 13 mlrd teńge tartylǵan.

Bul qarajatqa Semeı qalasy men aýdan ortalyqtaryndaǵy kóshelerdiń jaryqtandyrýyn jańǵyrtý jumysy da júrip jatyr.

Esterińizge sala ketsek, osyǵan deıin Abaı oblysynyń quramyna 8 aýdan jáne 2 qala engenin habarlaǵan edik.