Abaı oblysynda sharýa qojalyǵynan 9 mln teńgeniń múlkin tonap ketken er adam ustaldy

SEMEI. QazAqparat – Abaı oblysy Besqaraǵaı aýdanynda sharýa qojalyǵynan 9 mln teńgeniń múlkin tonap ketken er adam ustaldy, dep habarlaıdy QazAqparat tilshisi.

Oblystyq Polıtsııa departamenti baspasóz qyzmetiniń málimetine súıensek, Besqaraǵaı aýdanynda polıtsııa qyzmetkerlerine jergilikti sharýa qojalyqtarynyń biriniń 64 jastaǵy ıesi júgingen. Óz sózinde ol beton buıymdarynyń urlanǵanyn jetkizdi.

«Jábirlenýshiniń aıtýynsha, belgisiz bireýler 10-25 maýsym aralyǵynda Ernazar aýylynyń mańyndaǵy qojalyq aýmaǵynan 16 beton fýndamentin, 6 tirekti jáne betonnan jasalǵan 7 arqalyqty urlap ketken. Osynyń saldarynan keltirilgen materıaldyq shyǵynnyń jalpy somasy 9 300 000 teńgeni qurady», - delingen aqparatta.

Jedel-izdestirý sharalaryn júrgizgen polıtseıler kúdikti retinde 49 jastaǵy jergilikti turǵyndy ustady. Oǵan qatysty QR QK-niń 188-baby 4-bóligimen sotqa deıingi tergeý amaldary júrgizilýde.