Abaı oblysynda órt 1,1 myń gektarǵa tarady - QR TJM

SEMEI. QazAqparat – Reseıdiń Altaı ólkesinde dala órti sóndirildi. Al Abaı oblysynda jalynmen kúres jalǵasyp jatyr, dep habarlaıdy QazAqparat Tótenshe jaǵdaılar mınıstrliginiń málimetine silteme jasap.

22 mamyrda Reseıdiń Altaı ólkesiniń aýmaǵyndaǵy Novenkoe aýylynyń mańynda qurǵaq shóp janyp, jalyn «Semeı ormany» tabıǵı rezervaty aýmaǵyna taraǵan bolatyn. Abaı oblystyq Tótenshe jaǵdaılar departamentiniń kúshteri men quraldary oqıǵa ornyna dereý jetti.

«Orman sharýashylyǵynyń aldyna ala málimeti boıynsha, órttiń aýdany 1100 ga quraıdy. Eldi mekenderge qaýip joq.

Tilsiz jaýmen kúres 2 ýchaskede júrip jatyr: Ivanovka aýyly, Aýyl stantsııasy.

Órtti sóndirýge barlyǵy 88 tehnıka (1 órt poıyzy), 259 adam jumyldyryldy (»Semeı Ormany«MOTR 56 tehnıka, 147 adam, QR TJM 27 tehnıka jáne 98 jeke quram, Qazaqstan temir jolynyń 1 órt sóndirý poıyzy, 10 adam, jergilikti atqarýshy organdardyń 4 tehnıkasy, 4 adam). Órtti sóndirý úshin Qazavıaqutqarý MI-873 tikushaǵy tartaldy. Sondaı-aq Semeı qalasynyń 68303 TJM áskerı bóliminiń jeke quramy jiberildi», - delingen málimette.

Halyqty habardar etý jáne Ivanovka aýyly men Berezovka sanatorııine irgeles aýmaqty qaraýyldaý úshin jergilikti polıtsııa qyzmetkerleri jumys istep jatyr.

«Tótenshe jaǵdaılar mınıstrliginde jáne Departamenttiń daǵdarys ortalyǵynda jedel shtabtar uıymdastyryldy. Jedel jeli telefondary jumys jasap tur.
RF TJM MM tarapynan Altaı ólkesi boıynsha 26 l/s jáne 6 ATs, 1 traktor (aldyn ala aýdany 12 ga) tartyldy.
23 mamyr saǵat 05:00-degi jaǵdaı boıynsha Altaı ólkesiniń aýmaǵyndaǵy órt joıyldy.
Ekpindi jel órt sóndirý jumystaryn qıyndatyp otyr. Saldarynan jalyn tómennen joǵaryǵa tez taraýda», - dedi TJM-nan.

«Qazaqstan temir joly» kompanııasynan málim etkendeı, órt poıyzdar kestesine áser etken joq.