Abaı oblysynda memlekettik mekemelerdi ornalastyrýda qıyndyq joq – ShQO ákimi

ÓSKEMEN. QazAqparat – Shyǵys Qazaqstan oblysynyń ákimi Danıal Ahmetov jańadan qurylatyn Abaı óńirinde basqarmalar men memlekettik vedomstvolardy ornalastyrýda esh qıyndyq joqtyǵyn, bıznes ókilderiniń ǵımarattar usynýǵa daıyn ekendigin málimdedi, dep habarlaıdy QazAqparat tilshisi.

ShQO ákimdiginiń málimetine súıensek, búginde Shyǵys Qazaqstan men Abaı oblystarynyń ákimshilik-aýmaqtyq shekaralary bekitilgen. Jańadan qurylatyn Abaı óńiriniń resýrstary men bıýdjeti boıynsha jospar tolyq daıyn.

«Basqarmalar men memlekettik vedomstvolardy ornalastyrýda esh qıyndyq joq. Semeı qalasynyń kommýnaldyq menshiginde 13 myń sharshy metrden astam jer bar. Taǵy 37 myń sharty metrdi bıznes ókilderi usynýǵa daıyn», - dedi Danıal Ahmetov.

Onyń aıtýynsha, Semeı qalasyn damytýdyń aldaǵy bes jylǵa arnalǵan keshendi jospary ázirlengen. Bul maqsatta 260 mlrd teńge bólindi.

«Abaı oblysynyń qaramaǵynda eki iri kásiporyn - Aqtoǵaı jáne Baqyrshyq taý-ken óndirý kásiporny bolady. Úrjar aýdanynda agrosektor áleýeti jaqsy. Bul bolashaq aımaq bıýdjeti úshin jaqsy kiris ekeni sózsiz», - dedi Danıal Ahmetov.

Esterińizge sala ketsek, osyǵan deıin áleýmettik jelilerde jańadan qurylatyn Abaı oblysynyń ortalyǵyna aınalatyn Semeıdegi Geodezııa jáne kartografııa kolledjiniń ǵımaraty quqyq qorǵaý organdaryna beriletindigi jaıly habar tarap, kóptiń narazylyǵyn týdyrǵanyn habarlaǵan edik .