Abaı oblysynda mektep mańyna sıntetıkalyq esirtki jasyryp júrgen adam ustaldy
Oblystyq Polıtsııa departamenti baspasóz qyzmetiniń málimetine súıensek, Semeıdegi mektepterdiń biriniń janynda esirtkini «qoıyp ketip» júrgen adam quryqtaldy.
«Esirtki qylmysyna qarsy is-qımyl basqarmasynyń qyzmetkerleri asa iri mólsherdegi psıhotroptyq zattardy zańsyz ótkizdi degen kúdikpen qala turǵynyn ustady. Jedel derekterge sáıkes, ol ınternet-dúkende psıhotroptyq zattardy tasymaldaıtyn «kýrer» bolyp jumys istegen», - delingen aqparatta.
Ustalǵan sátte kúdiktini tintý barysynda odan 9 dana mólsherinde daıyndalǵan polıetılen orama tárkilendi.
«Alynǵan «mef» psıhotroptyq zatynyń jalpy salmaǵy 9,42 gramdy quraıdy. Bul iri kólem bolyp sanalady. Kúdikti ýaqytsha ustaý ızolıatoryna qamaýǵa alynǵan. Atalǵan fakti boıynsha QR QK-niń 297-baby 3-bóligine sáıkes sotqa deıingi tergeý amaldary bastaldy. Er adam 15 jylǵa deıingi merzimge bas bostandyǵynan aıyrylýy múmkin», - delingen habarlamada.