Abaı oblysynda malǵa jem-shóp daıyndaý jumysynyń qarqyny qandaı

Abaı oblysynda tórt túlikke dándi daqyldyń 143,8 myń gektar alqaby jınalyp, 48,8 myń tonna pishen daıyndalǵan, dep habarlaıdy QazAqparat tilshisi.

Óńirde kúzgi dala jumystaryna jáne 2023-2024 jyldardaǵy mal qystaýyna jem-shóp daıyndaý jumystary qarqyndy júrgizilip jatyr. Abaı oblysy aýyl sharýashylyǵy jáne jer qatynastary basqarmasynyń málimetinshe, búginde 143,8 myń gektar dándi daqyldy, 2,01 myń gektar kókónis pen baqsha daqylyn, 2,2 myń gektar kartop jınaý jumystary sátti aıaqtalǵan.

Shilde-tamyz aılaryndaǵy tapsyrys kezinde egin jınaý naýqanyna 6 139 myń tonna dızel otyny satyp alyndy. Mal azyǵyn satyp alý jumystary da qyzý júrip jatyr. Qazir 854,2 myń tonna shóp, 40,3 myń tonna pishen, 9,1 myń tonna súrlem, 32,5 myń tonna saban, 8,2 myń tonna qunarly jem daıyn.

«Aýdandardyń aýyl sharýashylyǵy qurylymdary men jeke qosalqy sharýashylyqtaryna qys mezgiline 1153,1 myń tonna shóp, 48,8 myń tonna pishendeme, 59,3 myń tonna súrlem, 85,1 myń tonna saban, 117,8 myń tonna qunarly jem daıyndaý qajet. Óńirdegi egin jınaý naýqany baqylaýda», - delingen aqparatta.

Eske salsaq, bıyl elimizdegi birqatar óńirde sharýagerlerdiń qýańshylyqtan zardap shegip otyrǵany habarlanǵan.

Onyń ishinde Shyǵys Qazaqstanda sharýa qojalyq ıeleri jem-shóptiń quny aıtarlyqtaı qymbattap ketkenine shaǵymdanǵan.