Abaı oblysynda qurǵaq shóp órti tirkeldi

SEMEI. QazAqparat - Abaı oblysynyń Besqaraǵaı aýdanynda qurǵaq shóptiń janýy oryn aldy, dep habarlaıdy QazAqparat.

TJM-niń málimetinshe, 10 shildede saǵat 12:35-te «101» pýltine Besqaraǵaı aýdanynda Birlik pen Belokamenka aýyldarynyń arasynda qurǵaq shóptiń janýy oryn alǵany týraly habarlama túsken.

«Oqıǵa ornyna Abaı oblysy TJD kúshteri men quraldary, ormanshylyqtar men jergilikti atqarýshy organdardyń ókilderi dereý jolǵa shyqty.

Órt sóndirý bólimsheleri kelgennen keıin ashyq aýmaqta qamys, buta jáne qurǵaq shóp órtenip jatqany anyqtaldy.

Órt saǵat 15:18-de oqshaýlandy. Órttiń aldyn ala aýdany 4,5 gektardy qurady», - dep jazdy mınıstrlikten.

Orman qory men eldi mekenderge qaýip joq. Qazirgi ýaqytta órtti sóndirýdi quramynda 30 adam jáne 7 tehnıka bar Abaı oblysy TJD, JAO jáne «Semeı Ormany» MOTR kúshteri men quraldary júzege asyrýda.