Abaı oblysynda qoldan qurastyrylǵan 923 kólik zańdastyryldy

SEMEI. QazAqparat – Abaı oblysynda 22 mamyrdan bastap osy ýaqytqa deıin 923 konstrýktor kólik esepke alynǵan, dep habarlaıdy QazAqparat tilshisi.

Oblystyq polıtsııa departamenti baspasóz qyzmetiniń málimetine súıensek, qazirgi ýaqytta óńir aýmaǵynda sheteldik kólikterdi zańdastyrý rásimi jalǵasyp jatyr.

«Sheteldik kólikterdi zańdastyrý osy jyldyń 23 qańtarynan bastap júrgizilýde. 1 shildege deıin ótinim bergen azamattar avtokóligin zańda bekitilgen talaptarǵa sáıkes zańdastyra alady. Búgingi tańda Abaı oblysynda jalpy sany 4000-nan astam kólik zańdastyrylǵan. Taǵy 100-den astamy tirkeýdi kútip otyr», - delingen aqparatta.

Sondaı-aq 22 mamyrdan bastap osy ýaqytqa deıin 923 konstrýktor kólik esepke alynǵan.

Eske salsaq, mamyr aıynyń aıaǵynda Shyǵys Qazaqstan oblysynda 29 konstrýktor kólik zańdastyrylǵany habarlanǵan edi.