Abaı oblysynda iri kólemdegi esirtki saýdasymen aınalysqan erli-zaıypty ustaldy
Oblystyq Polıtsııa departamenti baspasóz qyzmetiniń málimetine súıensek, Jarma aýdanynda asa iri kólemde esirtki saýdalaǵan áıeli men kúıeýi «Almaty-Semeı» tasjolynda kólikpen kele jatqanda ustaldy.
«Tintý kezinde er adamnyń oń aıaǵyndaǵy shulyǵynan untaqqa uqsas aq tústi zat salynǵan zıp-paket tabyldy. Sondaı-aq kólikti tekserý kezinde artqy oryndyqta jatqan jol sómkesinen dál osyndaı zat salynǵan 2 orama tárkilendi», - delingen aqparatta.
Saraptama kórsetkendeı, bul jalpy salmaǵy shamamen 400 gramm bolatyn «A-PVP» psıhotroptyq zatynyń analogy bolyp shyqty.
«Atalǵan fakti boıynsha QR Qylmystyq Kodeksiniń 297-baby 3-bóligine sáıkes sotqa deıingi tergeý amaldary júrgizilýde. Osy baptyń sanktsııasynda 15 jylǵa deıingi merzimge bas bostandyǵynan aıyrý jazasy qarastyrylǵan», - delingen habarlamada.