Abaı oblysynda bıyl 99,7 myń gektar jaıylym memleketke qaıtarylǵan

SEMEI. QazAqparat – Bıyl Abaı oblysynda paıdalanylmaı jatqan 99,7 myń gektar jaıylym memleketke qaıtaryldy. Bul týraly aımaq basshysy Nurlan Uranhaev Ortalyq kommýnıkatsııalar qyzmetiniń Abaı atyndaǵy oblystyq ámbebap kitaphanasynda ótken kóshpeli brıfıngisinde aıtty, dep habarlaıdy QazAqparat tilshisi.

«Aýyl sharýashylyǵy maqsatyndaǵy paıdalanylmaı jatqan jerdi qaıtarý jumystary júrip jatyr. Jalpy aýdany 297,7 myń gektar bolatyn jer ýchaskeleri anyqtaldy. Bıyl ázirge memleket menshigine 99,7 myń gektar paıdalanylmaıtyn jaıylym jeri qaıtaryldy», - dedi N.Uranhaev.

Ákimniń aıtýynsha, bul salada birneshe ınvestıtsııalyq joba qolǵa alynǵan.

«Agroónerkásip keshenin damytý baǵytynda jalpy quny 5,6 mlrd teńge bolatyn 9 ınvestıtsııalyq jobany iske asyrý josparlanǵan», - dedi oblys ákimi.