Abaı oblysynda bıyl 66 kópqabatty úı boı kótermek
Abaı oblysy ákimdiginiń málimetine súıensek, óńir boıynsha turǵyn úı qurylysy qarqyndy júrgizilýde.
«Baspanaǵa muqtaj azamattary turǵyn úımen qamtamasyz etý – memleket aldyndaǵy basty mindet. 2022 jyldyń qorytyndysyna sáıkes, Abaı oblysynda 3352 otbasy turǵyn úımen qamtamasyz etildi. Bıyl 66 kópqabatty turǵyn úı salý josparlanyp otyr. Jalpy aımaq boıynsha 343,1 myń sharshy metr úı qoldanysqa beriledi», - delingen aqparatta.
Osy jyldyń birinshi jartyjyldyǵynyń qorytyndysy boıynsha 130,1 myń sharshy metr paıdalanýǵa berildi. Bul rette qurylys kóleminiń ósýi 2022 jylǵy kórsetkishtermen salystyrǵanda 130%-dy qurady.
«Sonymen qatar memlekettik turǵyn úı baǵdarlamasy aıasynda 2023 jyly halyqtyń áleýmettik osal toptary úshin 576 jalǵa beriletin páter satyp alý kózdelýde. Onyń ishinde 72 páter qazirdiń ózinde paıdalanýǵa berilip qoıdy», - delingen habarlamada.