Abaı oblysynda benzın men dızel tapshylyǵy qalaı sheshilip jatyr

SEMEI. QazAqparat - Abaı oblysynyń kásipkerlik jáne ındýstrııalyq-ınnovatsııalyq damý basqarmasynyń basshysy Rústem Voroshılov aımaq boıynsha búkil janarmaı stansalary shtattyq rejımde jumys istep turǵanyn atap ótti, dep habarlaıdy QazAqparat.

Sondaı-aq, basqarma basshysy benzın jetispeıtin aýdandarǵa qosymsha otyn jiberilgenin jetkizdi.⠀

- Qazirgi ýaqytta janarmaı qatysty jaǵdaı turaqty jáne barlyq JQS shtattyq rejımde jumys isteıdi. Ótken aptada Úrjar jáne Aıagóz aýdanyndaǵy másele baqylaýda jáne oblys ákiminiń tapsyrmasy boıynsha jedel túrde sheshildi. Aıagóz qalasyna 36 tonna, Úrjarǵa 50 tonna AI-92 markaly benzın jóneltildi. 100 tonna janarmaı jetkizý jalǵasýda. Bul aýdandaǵy barlyq qajettilikti jabady, - dep atap ótti vedomstvo basshysy.

Sondaı-aq, Rústem Voroshılov benzınge qatysty shekteýdi «QazMunaıGaz» mekemesi qabyldaǵanyn habarlady.

- Shekteýdi «QazMunaıGaz» ulttyq kompanııasy engizdi, jergilikti atqarýshy organ muny rettemeıdi. Alaıda, máseleni tezirek sheshý úshin biz kómek kórsetip, AI-92 benzınin jetkizdik. Búginde janarmaı quıý stantsııalary shtattyq rejımde jumys istep tur, - dep atap ótti ol.⠀

Abaı oblysynda 125 JQS jumys isteıdi. Onyń ishinde 109 janarmaı quıý stantsııasy dızel otynyn satady.

Oblystaǵy 19 munaı bazasynda búginde: jazǵy dızel otyny-7 704 tonna, qysqy dızel otyny-22,4 tonna, AI-92 – 4 937 tonna, AI-95-731 tonna, gaz-822,6 tonna qory bar. ⠀

Búgingi kúni 21 janarmaı quıý stantsııasynda jazǵy dızel otyny joq (onyń ishinde 6 shaǵyn janarmaı quıý stantsııasynda, saqtaý oryndarynyń bolmaýyna jáne aldyn ala tólem jasaý múmkindigi joq), 1 janarmaı quıý stantsııasynda AI-95 markaly benzın, AI-92 markaly benzın tapshylyǵy baıqalmaıdy.

Úrjar aýdanynda gaz quıý stansasynda kógildir otyn joq (gazǵa ótinim berildi, 11 shildede jetkiziledi).