Abaı oblysynda avtobýs aýdarylyp, 15 adam zardap shekti
ShQO Polıtsııa departamenti baspasóz qyzmetiniń málimetine súıensek, jol-kólik oqıǵasy 19 maýsym kúni saǵat tańǵy 04.50-de bolǵan.
«Alakól-Semeı» baǵytynda turaqty qatynaıtyn «Setra-S» markaly avtobýs Jarma aýdanynyń tusyndaǵy jolda Semeı qalasyna qaraı bara jatqan. 56 jastaǵy júrgizýshi rýlge ıe bola almaı qalyp, avtobýs joldan shyǵyp, aýdarylǵan. Jol apaty saldarynan ekinshi júrgizýshi men 13 jolaýshy túrli deńgeıdegi jaraqattar aldy», - delingen aqparatta.
Olardyń barlyǵyna medıtsına qyzmetkerleri alǵashqy kómek kórsetti. Al qoǵamdyq kólik júrgizýshisi aýrýhanaǵa jatqyzylǵan.
Qazirgi ýaqytta atalǵan fakti boıynsha QR Qylmystyq kodeksiniń 345-baby 2-bóligimen sotqa deıingi tergeý amaldary bastaldy. Birqatar sot-medıtsınalyq saraptama taǵaıyndaldy.