Abaı oblysynda aýyl turǵyndaryn 10 mln teńgege aldap ketken er adam ustaldy

SEMEI. QazAqparat - Abaı oblysynyń polıtseıleri «aqshany jaqyn arada qaıtaramyn» dep aýyl turǵyndaryn aldap júrgen er adamdy ustady. Keltirilgen shyǵyn kólemi 10 mıllıon teńgeden asady, dep habarlaıdy QazAqparat.

Іs materıaldaryna sáıkes, er adam alaıaqtyq jolmen jalpy sany 50 bas iri qarany satyp alyp, aýyl turǵyndarynyń aqshasyn satqannan keıin tólep berýge ýáde etken.

Kúdikti aýdandardy aralap, osyndaı jolmen mal «satyp alǵan». Aldaǵy ýaqytta aýyl turǵyndaryna aqshasyn tólep berýge ýáde bergen.

Polıtseıler 27 jastaǵy kúdiktini anyqtady. Qylmystyq kodeksiniń 190-baby «Alaıaqtyq» boıynsha sotqa deıingi tergeý bastaldy.