Abaı oblysynda áýesqoı balyq aýlaýǵa arnalǵan 6 oryn bekitilmek

SEMEI. QazAqparat – Abaı oblysynda áýesqoı balyq aýlaý úshin 6 oryndy belgileý usynyldy. Bul týraly ashyq talqyǵa shyǵarylǵan óńir ákimi Nurlan Uranhaevtyń qaýlysynda jazylǵan, dep habarlaıdy QazAqparat tilshisi.

«Buqtyrma sý qoımasy:

- Eski Qaraqastan alshaqtaı kele eki jaǵalaýdyń boıyndaǵy aǵyspen tómen qaraı 2 shaqyrym;

- Tabandy – Qara ýchaskesinen aǵyspen joǵary qaraı 2 shaqyrym, sý aıdynynyń ortasyna qaraı 1 shaqyrym aýmaq rekreatsııalyq balyq aýlaý aımaqtary bolyp belgilensin.

Shúlbi sý qoımasy:

- Shúlbi kentinen alshaqtaı kele 1,2 shaqyrym, aǵyspen joǵary qaraı 1 shaqyrym, sý aıdynynyń ortasyna qaraı 1 shaqyrym;

- Shúlbi kentiniń saıajaılarynan alshaqtaı kele aǵyspen tómen qaraı 1 shaqyrym, sý aıdynynyń ortasyna qaraı 1 shaqyrym;

- Úbe-Forpost aýylyna qarsy ýchaskede jaǵalaý boıymen 1 shaqyrym, sý aıdynynyń ortasyna qaraı 1 shaqyrym;

- Úbe ózeninen alshaqtaı kele 500 metr, aǵyspen joǵary qaraı 1 shaqyrym, sý aıdynynyń ortasyna qaraı 1 shaqyrym rekreatsııalyq balyq aýlaý aımaqtary bolyp belgilensin», - dep kórsetilgen qaýlyda.

Qujatty ashyq talqylaý 22 qarshaǵa deıin jalǵasady.