Abaı oblysynda asylyp ólgen bala oqyǵan mektep dırektory qyzmetinen shettetilip, synyp jetekshisi jumystan shyǵaryldy

SEMEI. QazAqparat – Abaı oblysy Jarma aýdanynda sýıtsıd jasaǵan bala oqyǵan mektep dırektory qyzmetinen shettetilip, synyp jetekshisi jumystan shyǵaryldy, dep habarlaıdy QazAqparat tilshisi.

Jarma aýdandyq bilim bóliminiń málimetinshe, Aıqyn esimdi 9-synyp oqýshysy tańerteń óz úıiniń qorasynda asylyp qalǵan.

Osy oqıǵadan keıin arnaıy qurylǵan mobıldi top eki kún boıy mektepte jumys istedi.

«Aıqyn bul mektepte birinshi synyptan bastap oqıdy. Kópbalaly otbasynda tarbıelengen ol bes balanyń tuńǵyshy. Otbasynyń turmystyq jaǵdaıy jaqsy. Aıqynnyń buryn óz-ózine qol jumsaý áreketteri bolmaǵan», - delingen aqparatta.

Al sýıtsıd jasamaq bolǵanda qutqarylyp qalǵan onyń synyptasy 11-synyp oqýshysymen eregesip, tóbeleskeni belgili boldy.

Qazirgi ýaqytta mektep dırektory qyzmetinen shettetilip, synyp jetekshisi jumystan shyǵaryldy.

«Synyp oqýshylaryn áńgimege tartý barysynda Aıqynnyń barlyq synyptasymen syılastyqta bolǵandyǵy anyqtaldy. Ózgege árdaıym kómekke kelýge daıyn bolyp, báriniń kóńil kúıin kóterýge tyrysatyny aıtyldy. Kishipeıil, adamgershiligi mol, ádil, karapaıym retinde sıpattaldy. Árdaıym sabaqqa daıyndalyp kelip, óz oıyn erkin jetkizetin. Ozat oqýshy bolǵan ol «Úzdik attestatqa» úmitker edi. Muǵalimderge eshqashan teris minezin kórsetpegen. Mánerlep oqýdan respýblıkalyq baıqaýlardyń, bokstan oblystyq jarystardyń júldegeri», - delingen habarlamada.

Eske salsaq, osyǵan deıin Abaı oblysy Jarma aýdanynda 15 jastaǵy eki oqýshy asylyp qalǵanyn habarlaǵan edik.

Onyń bireýi qutqarylǵanymen, ekinshisi kóz jumdy.