Abaı oblysynda áskerı qyzmetker mert boldy

SEMEI. QazAqparat – Abaı oblysynda áskerı qyzmetkerdiń máıiti tabyldy, dep habarlaıdy QazAqparat tilshisi.

QR Qorǵanys mınıstrligi baspasóz qyzmetiniń málimetine súıensek, Abaı oblysynda oqtan kóz jumǵan áskerı qyzmetkerdiń denesi tabyldy. Aldyn ala derek boıynsha ol óz ózine qol jumsaǵan. Buǵan ne sebep bolǵany ázirge belgisiz.

«Qazirgi ýaqytta oqıǵanyń sebep-saldary anyqtalyp jatyr. Marqumnyń artynda áıeli men 5 balasy qalǵan», - dep habarlady vedomstvo ókilderi.

Áskerı qyzmetkerdiń ólimine baılanysty qylmystyq is qozǵaldy. Qylmystyq is júrgizý kodeksiniń 201-babyna sáıkes tergeýdiń ózge derekteri jarııa etilmeıdi.