Abaı oblysynda anasy men 5 balasy ystan ýlanyp aýrýhanaǵa tústi

SEMEI. QazAqparat - Abaı oblysynyń Borodlıho aýdanynda bútin bir otbasy kómir ıisine ýlanyp qala jazdady, dep habarlaıdy QazAqparat.

Oblystyq tótenshe jaǵdaılar departamenti baspasóz qyzmetiniń málimetinshe, 16 qazan túngi 23:40 shamasynda Borodýlıha aýdanynyń ortalyq aýrýhanasynan qońyraý túsken.

Medıtsına mekemesiniń habarlaýynsha, bir otbasynyń 6 adamy kómirtegi totyǵynan ortasha dárejede ýlanǵan.

Qazir 5 balasy men anasynyń jaǵdaıy birqalypty, dárigerlerdiń baqylaýynda bolyp, tańerteń úıine qaıtarylǵan.

Oqıǵa murjanyń durys tazalanbaýynan bolǵan.

Abaı oblysynyń TJD órt qaýipsizdigin saqtaý kerektigin eske salady.

«Jylytý kezeńi bastalǵanda kómirtegi totyǵymen ýlaný qaýpi artady. Sondaı-aq, murjalardy ýaqytynda tazalap otyrý qajet» delingen habarlamada.