Abaı oblysynda ana men bala ólimi kóbeıgen

ASTANA. QazAqparat – Abaı oblysynda keıingi 3 jylda ólim-jitim deńgeıi ósken. Bul týraly ashyq talqyǵa shyǵarylǵan «Abaı oblysyn áleýmettik-ekonomıkalyq damytýdyń 2023-2027 jyldarǵa arnalǵan keshendi josparyn bekitý» týraly Úkimet qaýlysynda jazylǵan, dep habarlaıdy QazAqparat tilshisi.

Qujatqa qosymsha berilgen qazirgi jaǵdaıdy taldaý málimetterinde oblystaǵy ana men bala ólimi, qaterli isikten bolatyn qaıǵyly jaǵdaılar deıgeıiniń óskeni kórsetilgen.

«Densaýlyq saqtaý salasynda sońǵy úsh jyldaǵy jaǵdaı halyqtyń, sábılerdiń, analardyń jáne onkologııalyq naýqastardyń jalpy ólim-jitim deńgeıiniń óskenin kórsetedi.

2022 jyly ana óliminiń joǵary deńgeıi saqtalyp otyr, ıaǵnı 1 myń adamǵa shaqqanda 34 adam. Al náresteler boıynsha 1000 adamǵa shaqqanda 32 sábı qaıtys bolady. Qaterli isikten 1000 adamǵa shaqqanda 334 adam kóz jumady.

Negizgi problema – qanaǵattanarlyqsyz ekologııa, aýdan ortalyqtarynda zamanaýı medıtsınalyq mekemelerdiń bolmaýy, dárigerlik kadrlardyń tapshylyǵy (150 maman), medıtsınalyq uıymdarmen jaraqtandyrýdyń tómen deńgeıi jáne basqalar», - delingen qujatta.