Abaı oblysynda aldyna bala otyrǵyzyp kólik aıdaǵan kásipker aıyppul tóleıdi

SEMEI. QazAqparat - Abaı oblysynda kishkentaı qyzdy aldyna otyrǵyzyp, kólik júrgizgen 58 jastaǵy er adamǵa aıyppul salyndy, dep habarlaıdy QazAqparat.

Eske sala keteıik, jaqynda buqaralyq aqparat quraldarynyń birinde Shyǵys Qazaqstan oblysy ákiminiń burynǵy orynbasary, kásipker Grıgorıı Pınchýktyń aldyna bala otyrǵyzyp, kóńil aıdaǵan vıdeosy jarııalandy.

Onda jazba avtory bul árekettiń zańsyzdyǵyn ári qaýipti ekenin tilge tıek etken.

Osyǵan baılanysty Abaı oblysynyń polıtsııasy shara qabyldady.

Porsche avtokóliginiń 58 jastaǵy júrgizýshisine jolaýshy men júk tasymaldaý erejesin saqtamaǵany úshin QR ÁQBtK 593-babynyń 1-bóligi boıynsha ákimshilik hattama toltyrylǵan.

Bul quqyq buzýshylyq 5 AEK mólsherinde ákimshilik aıyppul salýǵa ákep soǵady.