Abaı oblysynda aqyn Nurlybek Baımuratulyna eskertkish ornatyldy
10:15, 01 Tamyz 2022
SEMEI. QazAqparat – Abaı oblysy Besqaraǵaı aýdanynda aqyn Nurlybek Baımuratulyna eskertkish qoıyldy, dep habarlaıdy QazAqparat tilshisi.
Abaı oblysy ákimdiginiń málimetine súıensek, Besqaraǵaı aýdanynyń ortalyǵynda aqyn, Qazaq KSR-niń eńbek sińirgen óner qaıratkeri Nurlybek Baımuratulyna arnalǵan eskertkishtiń saltanatty ashylýy ótti.
Belgili aqyn Nurlybek Baımuratuly qazaq aýyz ádebıetiniń úlgilerin jınap, nasıhattaǵan. Aqynnyń «Er Tólegen» jáne «Qandy joryq» dastandary jeke kitap bolyp basyldy. Shyǵarmalarynyń jınaǵy 1957 jyly jaryq kórgen.
Esterińizge sala ketsek, osyǵan deıin Abaı oblysynda halyqaralyq óner jáne sport festıvali ótip jatqanyn habarlaǵan edik.