Abaı oblysynda 90 paıyzǵa tozyǵy jetken jylý jelileri jańartylady
Oblys ákimdigi baspasóz qyzmetiniń málimetine súıensek, óńir boıynsha 90 paıyzǵa tozyǵy jetken apatty jaǵdaıdaǵy jeti ýchaskeniń jylý jelilerin qaıta jańǵyrtýdyń jobalaý-smetalyq qujattamasy ázirlengen.
Qazirgi kezde «JEO-1-den 1-pavılonǵa deıingi magıstraldyq jylý jelilerin qaıta qurý» jáne «1-pavılonnan 4-pavılonǵa deıingi magıstraldyq jylý jelilerin qaıta qurý» jobalaryna qarajat bólinip, jóndeý jumystary bastaldy.
Oblys ákimi Nurlan Uranhaev jóndeý jumystarynyń barysymen tanysty. «Teplokommýnenergo» kompanııasynyń dırektory Serik Tólenbergenov ákimge atqarylǵan jumystar jaıly baıandady.
«Jóndeý jumystary tıisti merzimde aıaqtalýy qajet. Osylaısha aldaǵy jylytý maýsymynda 5,4 shaqyrymnan astam jylý jelileri jańartylady. Bul jylý maýsymyn apatsyz jáne esh qıyndyqsyz ótkizý úshin mańyzdy qadam», - deıdi Nurlan Uranhaev.