Abaı oblysynda 6 myń gektarǵa jaıylǵan dala órti oqshaýlandy

SEMEI. QazAqparat – Abaı oblysy Úrjar aýdanynda 6 myń gektarǵa jaıylǵan dala órti oqshaýlandy, dep habarlaıdy QazAqparat tilshisi.

Oblystyq tótenshe jaǵdaılar departamenti baspasóz qyzmetiniń málimetine súıensek, qazirgi ýaqytta Abaı, Jarma, Besqaraǵaı, Aqsýat, Aıagóz aýdandaryndaǵy jáne Semeı qalasyndaǵy órtter sóndirildi. Al Úrjar aýdanyndaǵy iri dala órti oqshaýlandy.

«Úrjar aýdany Qarabulaq aýylynan 18 shaqyrym jerdegi «Shaǵan-toǵaı» ýchaskesinde shóp órtendi. Jalyndy aýyzdyqtaýǵa kirme joldardyń bolmaýy jáne kúrdeli taýly jer qıyndatty. Qatty jel men ystyq aýa raıynyń saldarynan órt 5960 gektarǵa jaıyldy. Keshe saǵat 20.15-te ot oqshaýlandy», - dep habarlady vedomstvo ókilderi.

Órtpen kúreske 321 adam men 39 tehnıka jumyldyrylǵan.

Eske salsaq, osyǵan deıin Abaı oblysynda jalyn sharpyǵan aýmaq 5000 gektarǵa jetkeni habarlanǵan .