Abaı oblysynda 5 700 balaǵa arnalǵan 11 mektep salynady
«Jaıly mektep» jobasy aıasynda jýyrda oblysymyzdyń Semeı qalasynda 1800 orynǵa arnalǵan 2 mektep, Aıagóz qalasynda 600 orynǵa arnalǵan 1 mektep, Aqsýat pen Besqaraǵaı aýdandarynda 300 oryndyq bilim berý oryndarynyń qurylysy bastalady. Sondaı-aq, Jarma aýdanynyń T.Hasenuly atyndaǵy orta mektepke jylý qazandyǵy salynady. Abaı aýdanyndaǵy Keńgirbaı bı aýylynda balalar lageriniń qurylysy bastalady. Osy jylǵa bilim berý nysandarynyń 14 jobalyq-smetalyq qujattamalaryn ázirleýge qarjy bólindi», - dedi Aıdyn Qýatjanuly.
Onyń aıtýynsha, oblys aýmaǵynda taǵy da 5 700 orynǵa shaqtalǵan 11 mekteptiń qurylysy josparlanyp otyr.
«Oblysymyzda 5700 oryndyq 11 mekteptiń qurylysy josparda. Atap aıtqanda, Semeı qalasynda – 3600 oryndyq 5 mektep, Aıagóz aýdanynda – 900 oryndyq 2 mektep, Aqsýat aýdanynda – 2 mektep. 600 oryndyq mektepter, Besqaraǵaı jáne Jarma aýdandarynda– 300 oryndyq 1 mektep salynady», - dep bólisti basqarma basshysy.
Eske sala keteıik, buǵan deıin Abaı oblysynda 9 myńǵa jýyq oqýshyǵa oryn jetispeıtinin jazyp edik.