Abaı oblysynda 420 adam sheteldik kóligin zańdastyryp, jańa nómir aldy

SEMEI. QazAqparat – Abaı oblysynda 400-den astam adam sheteldik kóligin zańdastyrdy, dep habarlaıdy QazAqparat tilshisi.

Abaı oblystyq polıtsııa departamenti baspasóz qyzmetiniń málimetine súıensek, birjolǵy zańdastyrý bastalǵaly beri óńir boıynsha 3031 ótinim berilip, onyń 968-i maquldanǵan.

«Barlyǵy 420 azamat sheteldik kóligin zańdastyryp, qazaqstandyq tehnıkalyq qujat pen memlekettik nómir aldy. Áli de ótinish berip jatqandar kóp. Onyń árqaısysy muqııat qaralýda. Sheteldik kólikterdi zańdastyrý 2023 jyldyń 1 shildesine deıin jalǵasady», - delingen aqparatta.

Kóligin zańdastyrǵysy kelgenderge ótinim berýdiń birneshe tásili bar.

Atap aıtqanda:

- Elektrondy úkimet portaly arqyly (eGov.kz);

- Ekinshi deńgeıdegi bankterdiń qosymshalary arqyly;

- HQKO-larǵa baryp ótinim berý arqyly.

Ereje boıynsha avtokólik Qazaqstanǵa 2022 jylǵy 1 qyrkúıekke deıin ákelinýi tıis.

Sondaı-aq qylmystyq esepte turmaýy kerek, basqa memlekette burynǵy tirkelgen jeri boıynsha esepten shyǵarylýy qajet.