Abaı oblysynda 15 jastaǵy eki oqýshy asylyp qaldy

SEMEI. QazAqparat – Abaı oblysy Jarma aýdanynda 15 jastaǵy eki oqýshy asylyp qaldy. Onyń bireýi qutqarylǵanymen, ekinshisi kóz jumdy, dep habarlaıdy QazAqparat tilshisi.

Qaıǵyly oqıǵa Abaı oblysy Jarma aýdany Úshbıik aýylynda bolǵan. Sýıtsıdke barǵan 9 synyp oqýshylary. Olardyń bireýi qutqarylǵanymen, ekinshisi kóz jumdy.

Oblystyq Polıtsııa departamenti atalǵan fakti boıynsha tergeý bastalǵanyn habarlady.

«Jarma aýdandyq polıtsııa bólimimen atalǵan fakti boıynsha QR Qylmystyq Kodeksiniń 105-baby 3-bóligine (Ózin-ózi óltirýge deıin jetkizý) sáıkes sotqa deıingi tergep-tekserý amaldary júrgizilýde. Qazirgi ýaqytta birqatar sot saraptamasy taǵaıyndaldy. Qylmystyq protsestik kodeksiniń 201-babynyń 1-bóligine sáıkes, ózge málimetter jáne sotqa deıingi tergep-tekserý derekteri jarııa etilmeıdi», - delingen aqparatta.

Vedomstvo málimetinshe, tergeý barysy oblys departamenti basshylyǵynyń erekshe baqylaýynda.