Abaı oblysy turǵyndarynyń suranysqa ıe ónim shyǵarýǵa múmkindigi zor - Altaı Kólginov
Jumys sapary barysynda Altaı Kólginov «Aýyl amanaty» jobasynyń yqtımal qatysýshylarymen kezdesti. Joba el Prezıdenti bekitken «Halyq tabysyn arttyrýdyń 2025 jylǵa deıingi baǵdarlamasy» aıasynda júzege asyrylyp jatyr.
«Aýyl amanaty» aýqymdy baǵdarlamasy aýyl turǵyndary úshin ıgi bastama. Óńirdiń agrarlyq áleýetin eskersek, aýyl turǵyndarynyń suranysqa ıe ónimderdi óndirip, óz isin damytýǵa zor múmkindigi bar», - dedi Altaı Kólginov.
Oblys ákiminiń aıtýynsha, jobany júzege asyrý maqsatynda arnaıy taldaý júrgizilgen.
«Prezıdenttiń aýyldyq aýmaqtardy damytý jónindegi tapsyrmasyn oryndaýǵa oblysymyz daıyn. «Aýyl amanatyna» daıyndyq barysynda ár aýyldyq okrýg boıynsha taldaý júrgizilip, jumyssyzdar men ózin-ózi jumyspen qamtyıtyndardyń naqty sany, ár otbasynyń tabysy, halyqty sapaly ári qoljetimdi azyq-túlikpen qamtamasyz etý úshin qajetti óndiris túri anyqtaldy. Sharýalarymyz osyndaı múmkindikterdi tıimdi paıdalanady dep oılaımyn», - dedi Nurlan Uranhaev.
Premer-Mınıstrdiń orynbasary oblystaǵy medıtsınalyq jáne áleýmettik nysandardy aralady. Sonyń biri – Semeı qalasyndaǵy ıAdrolyq medıtsına jáne onkologııa ortalyǵy. Ortalyq radıofarmatsevtıkalyq preparattardy óndirýden bastap, radıonýklıdti dıagnostıka men terapııaǵa deıingi tolyq tsıkldy qamtıdy. Bul – Qazaqstandaǵy alǵashqy radıonýklıdtik terapııa bólimshesi. Radıofarmatsevtıkalyq preparattardy qoldaný emdelýshilerge shetelge shyqpaı-aq em alýǵa múmkindik berdi. Ortalyqqa zamanaýı mamandandyrylǵan tehnologııalyq jabdyqtardy ornalastyrý, materıaldyq-tehnıkalyq bazany jańartý úshin jańa hırýrgııalyq korpýs qajet. Bul másele Densaýlyq saqtaý mınıstrliginiń jumys josparyna engizilgen.
Sondaı-aq, Premer-Mınıstrdiń orynbasary 150 oryndyq múgedekterdi ońaltý ortalyǵynda boldy. Memleket basshysynyń tapsyrmasymen salynǵan ortalyqta ońaltýdy qajet etetin múmkindigi shekteýli jandarǵa jaǵdaı jasalǵan.
Oblysty damytýdyń keshendi josparyna sáıkes Semeı jáne Aıagóz qalalarynda taǵy eki ońaltý ortalyǵy, eki emhana, kópsalaly balalar aýrýhanasy, sondaı-aq «Jaıly mektep» baǵdarlamasy aıasynda 10 myńnan astam oqýshyǵa arnalǵan 11 mektep salynady dep josparlanyp otyr.
Sonymen qatar, 2023-2024 jyldarǵa arnalǵan «Aýyldyq densaýlyq saqtaý salasyn jańǵyrtýdyń» Ulttyq pılottyq jobasy aıasynda Abaı oblysynda 65 densaýlyq saqtaý nysanyn salý kózdeledi.
Vıtse-premer kúrdeli jóndeý men jańartýdy qajet etetin sol jaǵalaýdaǵy jedel járdem qosalqy stansasyna, sonymen qatar M. Áýezov atyndaǵy pedagogıkalyq kolledjde boldy.