Abaı oblysy Reseıdiń Krasnoıarsk ólkesiniń bıligimen seriktestikti jetildirmek

SEMEI. QazAqparat – Krasnoıarsk ekonomıkalyq forýmy barysynda RF Krasnoıarsk ólkesiniń orman sharýashylyǵy mınıstri Alekseı Panovtyń QR Abaı oblysy Tabıǵı resýrstar jáne tabıǵat paıdalanýdy retteý basqarmasynyń basshysy Danııar Toqtybaevpen resmı kezdesti.

Abaı oblysy ákimdigi baspasóz qyzmetiniń habarlaýynsha, reseılik áriptester orman sharýashylyǵyn damytý, ormandardy qalpyna keltirý, memlekettik orman qory aýmaǵyndaǵy órtterdiń aldyn alý jáne joıý boıynsha tájirıbe almasty.

Krasnoıarsk mamandary qazaqstandyqtarǵa mınıstrlik janyndaǵy ahýaldyq ortalyq bazasynda orman órtterin erte anyqtaý úshin qoldanylatyn zamanaýı beınemonıtorıng júıesin kórsetti. Ushuyshsyz ushý apparattaryn qoldaný arqyly ormandardy baqylaýdyń tsıfrlyq jelisi tutanǵan órt oshaqtaryn ýaqytyly qadaǵalap, joıý boıynsha jedel sharalar qabyldap, keńistikti únemi baqylaýda ustaýǵa múmkindik beredi. Sonymen qatar, ushqyshsyz ushý apparattaryn qoldaný ormannyń jaı-kúıin kórýge jáne brakonerlikpen kúresýge jol ashady.