Abaı oblysy aýyldaryna sý tasqynynan qaýip joq - ákimdik

SEMEI. QazAqparat – Abaı oblysynda sý tasqyny qaýpi bar ýchaskelerge áýeden barlaý jasaldy, dep habarlaıdy QazAqparat tilshisi.

Abaı oblysy ákiminiń orynbasary Dımıtrıı Garıkov, TJD basshysy Manarbek Shapaǵatov jáne arnaıy qurylǵan jumys toby sý tasqyny jaǵdaıyna aerovızýaldy tekserý júrgizdi.

Sonyń barysynda eldi mekenderdegi jaǵdaıǵa monıtorıng júrgizilip, ózenderdiń arnalary men gıdrotehnıkalyq qurylystar zertteldi.

Jarma, Kókpekti, Aıagóz aýdandaryndaǵy jazyq jerler men Úrjar, Aqsýat aýdandaryndaǵy Tarbaǵataı jotasynyń bıik taýly aımaqtaryndaǵy qar mólsheri baqylandy.

«Búgingi tańda óńirde qardyń jyldam erýi men topyraq tońynyń jibýi baıqalýda. Ózenderdegi jaǵalaýda sý basý baıqalmaıdy. Kókpekti aýdanynyń barlyq aýmaǵynda qar jamylǵysy baıqalsa, qalǵan aýdandarda qar erip ketti deýge bolady. Tarbaǵataı jotasynyń bıik taýly betkeılerinde qar jatyr. Al gıdrotehnıkalyq qurylystar shtattyq rejımde jumys istep tur. Sý tasqyny jaǵdaıy turaqty baqylaýda», - dedi Dımıtrıı Garıkov.