Abaı oblysy aýmaǵyndaǵy órt poıyzdar qozǵalysyna áser etken joq – QTJ

SEMEI. QazAqparat – Abaı oblysyndaǵy dala órti poıyzdar qozǵalysyna áser etken joq jáne temirjol ınfraqurylymy obektilerine de qaýip joq. QazAqparat bul týraly «Qazaqstan temir joly» Ulttyq kompanııasy» AQ-ǵa silteme jasap habarlaıdy.

22 mamyr kúni tús aýa Reseıdiń Altaı ólkesinde Novenkoe aýylynyń mańynda qurǵaq shóp janyp, dala órti tutanǵanyn buǵan deıin jazǵan bolatynbyz. Bul aýmaq Abaı oblysy Borodýlıha aýdany Aýyl eldi mekenine jaqyn ornalasqan. Keıin tilsiz jaý «Semeı ormany» tabıǵı rezervatyna, ıaǵnı Qazaqstan aýmaǵyna qaraı ótti.

Saǵat 23:07-de Semeı qalasynan Aýyl eldi mekenine QTJ-nyń órt sóndirý poıyzy jetti. Poıyz Tótenshe jaǵdaılar departamentiniń 20-dan astam órt sóndirý mashınasyn sýmen qamtamasyz etti. Temirjolshylar 180 tonnadan astam sý jetkizdi.

«Órt poıyzdar qozǵalysyna áser etken joq jáne temirjol ınfraqurylymy obektilerine de qaýip tónip turǵan joq.

Semeı jáne Semeı jol bólimshesiniń Zaşıta stantsııalarynda órt qaýipti kezeńdegi qaýipsizdik máseleleri boıynsha jedel shtabtar quryldy», - delingen QTJ málimetinde.