Abaı oblystyq qoǵamdyq keńesiniń músheleri irikteldi
Qoǵamdyq keńeske úmitkerlerdiń qujattaryn qabyldaý 19 shilde men 1 tamyz aralyǵynda júrgizilgen. Oblys kóleminde 86 adam ótinish bergen.
«Barlyǵy 83 úmitker áńgimelesýge ótti. Onyń ishinde 1 úmitker óz erkimen ótinishin qaıtaryp alsa, 2 úmitker áńgimelesýge kelmegen. Ashyq daýys berý arqyly konkýrsqa qatysqandardan 30 adam irikteldi. Bul azamattardyń 15-i bıznes ókili, 4 eńbek ardageri, 4 qoǵam belsendisi, 1 múmkindigi shekteýli azamat, 4 buqaralyq aqparat quraldarynyń ókili, 2 belsendi jas», - delingen Abaı oblysy ákimdigi taratqan málimette.
Onyń ishinde memlekettik mekemeler men kvazımemlekettik sektordan 3 adam bar: 2 bilim, 1 densaýlyq saqtaý salasynan. Qoǵamdyq keńeske usynylǵan azamattardyń 25-i erler (76%), 8-i áıelder (24%). Keńes músheleriniń ortasha jasy – 56.