Abaı oblysynyń Jarma aýdanynda 10 otbasy baspanaly boldy

<p>Abaı oblysynyń Jarma aýdanynda 10 otbasyǵa páter kilti tabystaldy, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform.</a></p>

Oblys ákimdiginiń málimetine súıensek, Jarma aýdany Qalbataý aýylynda halyqtyń áleýmettik osal tobyna jatatyn azamattar men kópbalaly otbasylarǵa Ysqaqov kóshesiniń boıyndaǵy jańa úıden páter kiltteri tabys etildi. Barlyǵy 10 otbasy qonys toıyn toılady.

«Bıyl Jarma aýdanynda «Qýatty óńirler – el damýynyń draıveri» jobasy aıasynda 25 turǵyn úı, Qalbataý aýylynda 50 páter, Shar qalasynda 10 páterlik 5 úı paıdalanýǵa berildi. Búginde Qalbataý aýylyndaǵy Dostyq kóshesi boıyndaǵy 30 páterlik úsh qabatty turǵyn úıdiń qurylysyn merdiger «Jarma Stroıgaz» JShS uıymy júrgizip jatyr. Qurylys jumysy jyl sońyna deıin aıaqtalady dep josparlanǵan», - delingen aqparatta.

Jalpy Abaı oblysynda áleýmettik turǵyda osal sanatqa jatatyn turǵyndardy qoldaýǵa kóp kóńil bólinýde. 2030 jylǵa deıin halyq tabysyn arttyrýdyń óńirlik baǵdarlamasy qabyldanbaq.

Jyl basynan beri 4651 otbasy ataýly áleýmettik kómek alsa, onyń ishinde 1847 otbasy kópbalaly. Halyqtyń áleýmettik osal tobynyń turǵyn úı máselesin sheshý úshin jeke turǵyn úı qorynan jalǵa beriletin turǵyn úı úshin 50% ótemaqy tóleýge bıýdjetten 865 mıllıon teńge bólingen. Aımaq boıynsha 19 myńnan astam adam baspana kezeginde tur, onyń ishinde 2442-i kópbalaly otbasy.