Abaı oblysynyń búkil medıtsına mekemelerinde karantın jarııalandy

<p>Abaı oblysynda qyzylsha aýrýyna baılanysty medıtsına mekemelerinde karantın engizildi, dep habarlaıdy <a href="https://kaz.inform.kz/" target="_blank" rel="noopener">Kazinform</a>.&nbsp;</p>

Semeı qalalyq sanıtarlyq-epıdemıologııalyq baqylaý basqarmasy barlyq medıtsınalyq uıymdarda karantın belgileý, aǵymdaǵy dezınfektsııany kúsheıtý, jıi jeldetý, kelýshilerdiń kelýin shekteý týraly hat joldaǵan.

Sonyń negizinde Abaı oblysynyń densaýlyq saqtaý basqarmasy tıisti buıryq shyǵaryp, búkil medıtsınalyq uıymdarda karantın engizildi.

Qazirgi ýaqytta Abaı oblysynda qyzylsha boıynsha epıdemııalyq jaǵdaı turaqty.

2023 jyldyń mamyr aıynan beri oblysta qyzylshanyń 75 jaǵdaıy tirkeldi.

«Ókinishke qaraı, qyzylshamen syrqattanýdyń burynǵydan aıyrmashylyǵy — búginde dıagnoz negizinen balalar arasynda, ıaǵnı barlyq jaǵdaılarynyń 56 paıyzy (42 jaǵdaı) 5 jasqa deıingi balalar ekenin atap ótken jón. Qazirgi ýaqytta Abaı oblysynda 7 bala men 3 eresek adam qyzylshadan statsıonarda emdelip jatyr. Aýyr jaǵdaıda jatqandar joq. Infektsııalyq tósektiń 12,5 paıyzynda naýqastar jatyr», — dep habarlady Abaı oblysynyń ákimdigi. 

Qazaqstanda qyzylsha boıynsha qolaısyz jaǵdaı tirkelgen.

Osyǵan baılanysty oblysta epıdemııaǵa qarsy jáne profılaktıkalyq is-sharalar júrgizilip jatyr.

Qazir búkil el aýmaǵynda qyzylshaǵa qarsy qosymsha ımmýndaý sharasy jalǵasyp jatyr.