Abaı oblysynyń bıylǵy bıýdjeti qansha

<p>Abaı oblysy ákimdigine jóndeý jumystary júrgiziledi. Bul týraly Abaı oblysynyń ákimi Nurlan Ýranhaev Jibek Joly telearnasynyń efırinde Erbolat Muhamedjannyń &laquo;Ýáde&raquo; baǵdarlamasynda málim etti, dep habarlaıdy <a href="https://kaz.inform.kz/" target="_blank" rel="noopener">QazAqparat </a>tilshisi.</p>

«Ákimdik úshin jańa ǵımarat salmaımyz. Oblysta ǵımarattan basqa da qordalanǵan máseleler bar. Sondyqtan biz burynǵy ǵımaratta otyra beremiz. Biraq qazirgi otyrǵan ǵımaratqa jóndeý jumystaryn júrgizemiz. Bul baǵytta Úkimettiń rezervinen qarajat bólinip jatyr», - dedi Nurlan Ýranhaev suhbat barysynda.

Sondaı-aq, óńir basshysynyń málimdeýinshe, Abaı oblysynyń bıylǵy bıýdjeti 400 mlrd teńgeden astam.

«Ótken jyly bizdiń oblysqa Memleket basshysy saparmen kelip, oblystyń keshendi damý josparyn ázirleýdi júktedi. Biz ony tez arada ázirlep, Úkimettiń aldynda qorǵap bekitken bolatynbyz. Oǵan sáıkes sońǵy jyl ishinde 1,9 trln teńge ınvestıtsııa tartylady degen jospar bar. Jalpy 102 is-shara qamtylǵan. Bıyl oblysta mıneraldy jáne mys óńdeý zaýyty ashyldy. Prezıdent júktegen mindetterdiń biri Aıagóz qalasynda logıstıkalyq park salý», - deıdi ol.