Abaı oblysynyń ákimi óńirdegi jańa mektepterdiń qurylysy týraly aıtty
«Oqýshy oryn tapshylyǵyn azaıtý maqsatynda «Jaıly mektep» ulttyq jobasy aıasynda 2700 oryndyq 4 mekteptiń qurylysy iske asyp jatyr. Bıyl, jyl sońyna deıin 3 mektepti paıdalanýǵa berý josparlanǵan. 2025 jyly Aıagózde 600 oryndyq mektep paıdalanýǵa beriledi. Byltyr oblys ortalyǵynda «KAZ Minerals» esebinen 1200 oryndyq mektep qurylysy týraly aıtqan bolatynmyn. Bıyl mektep paıdalanýǵa berildi. ІT-baǵytynda oqýshylarǵa zamanaýı bilim berý kózdelip otyr», - N. Uranhaev.
Onyń aıtýynsha, jumys istep turǵan mektepterge 2200 oryndyq 6 qosymsha qurylys jáne 510 oryndyq 6 shaǵyn jınaqtalǵan mektep salýǵa jobalyq-cmetalyq qujattama ázirlendi.
«Byltyrǵy brıfıngte kópfýnktsıonaldy Oqýshylar saraıy salynatyny týraly da aıtqanmyn. Qurylys júrip jatyr. Joba keler jyly iske qosylady. Bul balalarymyzdy qosymsha bilimmen qamtýdy odan ári arttyrýǵa mol múmkindik beredi. Oblysymyzda ІT-salasy jaqsy damyǵan. Oqýshylarymyz jyl saıyn respýblıka, halyqaralyq deńgeıde úzdikter qatarynan tabylyp otyrady. Sol sebepti, bıyl biz IT jáne jańa tehnologııalar joǵary kolledjin ashtyq. Ol zamanaýı bazamen jabdyqtalǵan. ІT baǵyttar boıynsha quzyrettilik ortalyǵy jumys isteıdi», - dedi ákim.
Onyń sózine qaraǵanda, bilim berý salasynda materıaldyq-tehnıkalyq bazany nyǵaıtyp, nysandarǵa jóndeý júrgizýge 3,4 mlrd teńge bólindi. 3 mektepke kúrdeli jóndeý, 1 mektepke ortasha jóndeý, 166 bilim berý mekemesine aǵymdaǵy jóndeý júrgizildi. 49 jańa modıfıkatsııalanǵan kabınet (STEM, fızıka, hımııa) pen balalar tasymalyna arnalǵan
3 shaǵyn avtobýs pen 1 avtobýs alyndy.
Budan buryn habarlanǵandaı, Abaı oblysynyń ákimi Nurlan Uranhaev Semeıdegi avtokólik keptelesi máselesin sheshý úshin qandaı is-shalar júzege asyrylatynyn aıtty.