Abaı oblysyndaǵy «Zelenstroı Semeı» JShS-nyń jumysshylar aldynda 69 mln bereshegi bar

<p>SEMEI. KAZINFORM &ndash; Abaı oblysynda prokýrorlar 200 den astam jumysshynyń quqyǵyn qorǵap, memleket bıýdjetine 300 mln teńge óndirdi. Bul týraly oblystyq prokýratýranyń baspasóz qyzmeti málim etti.&nbsp;</p>

Semeı qalasynyń prokýratýrasy «Zelenstroı Semeı» JShS eńbek ujymyna jumys berýshiniń 2 jyl boıy 69 mln teńgege zeınetaqy men áleýmettik aýdarymdardy tólemegenin anyqtady.

«Kásiporyn qarjylyq jaǵynan turaqty bolǵanyna qaramastan, jumys berýshi óz erkimen bereshekti óteý boıynsha sharalar qabyldamaǵan. 2022 jyldan bastap osy kásiporynda 319 mln teńgege salyq bereshegi bolǵany anyqtaldy. Prokýrorlyq qadaǵalaý aktisi boıynsha 200-den astam jumysshynyń quqyǵy qorǵalyp, bıýdjetke 300 mln teńge salyq bereshegi óndirildi», - delingen habarlamada.