Abaı oblysyndaǵy orta mekteptiń qazandyǵy jaryldy

<p>SEMEI. KAZINFORM &ndash; Abaı oblysy Úrjar aýdanyndaǵy orta mekteptiń jeke turǵan qazandyǵy jarylyp, ot jaǵýshy kúıip qaldy.</p>

22 qarashada Úrjar aýylyndaǵy Baýyrjan Momyshuly atyndaǵy orta mekteptiń bólek ornalasqan qazandyǵynda jarylys boldy. Aldyn ala derek boıynsha buǵan jylý júıesindegi aınalymnyń buzylyp, qazandyqtaǵy qysymnyń kóterilýi sebep bolǵan.

«Jarylys saldarynan 18 sharshy metr alańdaǵy qazandyqtyń shatyry jartylaı opyryldy. Oqıǵa ornynda TJD jáne jergilikti atqarýshy organdar jumys istep jatyr. 54 jastaǵy ot jaǵýshy 2-3-dárejeli kúıik aldy. Qazirgi ýaqytta ol aýdandyq aýrýhananyń hırýrgııa bólimine jatqyzyldy. Jaǵdaıy turaqty», - dep habarlady oblys ákimdiginen.

Mektepte sabaq toqtatylǵan joq. Rezervtik qazandyqtyń arqasynda mektepke jylý berilip jatyr. Demalys kúnderi jańa qazandyq ornatý josparlanǵan.

Aıta keteıik, Baýyrjan Momyshuly atyndaǵy orta mektepte 943 oqýshy bilim alyp, 117 muǵalim jumys isteıdi.

Eske salsaq, osyǵan deıin Túrkistanda jylý qazandyqtary gazǵa aýystyrylatyndyǵy habarlanǵan.